صاح الأكبر بالحرب عمي سبع الكنطرة
انتة صوب الميمنة وآنة صوب الميسرة
سيفي يبيع الرؤوس وسيفك ركاب الشرة
نعيد صولات الأمير بيوم من سيفة اشهرة
يلا خنطب الفلا ونطمر عليهم بلا
ها عليهم يا عمي ها عليهم
ليوث حيدر هالتنخت شمرت ضرعانها
غاروا بظهر الأصايل باللوة وبعنانها
هلهلت ليها المعارة وكامت بتربانها
كل اراضي كربلا تصيح بيهم يا هلا
ها عليهم يا عمي ها عليهم
سار والكاع شلفاها ليلة الوحشة بخزرتة هالجفيل وجلجلت
سار والكاع شلفاها حدر جدمة تزلزلت
يالثار الضلع صيحة بزود سيفة ترتلت
شاربة رف بغضب راب يكَلبها كَلب
ها عليهم يا عمي ها عليهم
يوم طبوا للمعارة بغير غيم مدخنين
صاحوا ذبايح نمد الكَوم جدام الحسين
استفتحوا ذر الصوارم رتلوا فتح المبين
علي الأكبر على اليسرة وابو فاضل عاليمين
مثل حمزة وحيدرة علي وسبع الكنطرة
ها عليهم يا عمي ها عليهم
دخنت ارض المعارة وبينت روح العزم
طفحت حلوك المنايا سيوفهم تلهم لهم
علي الأكبر شد عليهم طشر بعزمة الزلم
عاد يوم الزمجرة مثل حملة حيدرة
ها عليهم يا عمي ها عليهم
ضجت فلول الكتايب والشمس جنها اختفت
علي الأكبر من اليسرة وصطة الحومة جفت
لانها ضربات الغضنفر علي هناك تشاكفة
من رفع سيفة الضنفر شاف عمة من التفت
دكوا الظهر بظهر علي الأكبر والكَمر
ها عليهم يا عمي ها عليهم
من اليسرة علي الأكبر وابو فاضل عاليمين
من الخيمة تصيح زينب يا ابن ليث العرين
ها يخو زينب عليهم ها يبن ام البنين
صاح بيهم ابو فاضل مثل ابو ليث العرين
زينب اختة تحركة زلزل ارض المعركة
ها عليهم يا عمي ها عليهم
هناك لن حسين نادة يا ليوث الغانمة
شد يالأكبر ها عليهم روي ارض الطف دمة
صاح بيهم علي الأكبر صرخة وصلت للسمة
رفع سيفة وصوتة دوة يالثارج فاطمة
لاوصي لا ولي لا فتى إلا علي
ها عليهم يا عمي ها عليهم
تعليق